ۇلكەن ەل – ۇلكەن  وتباسى

* نازار اۋدارىڭىز: كونكۋرس!

«ەگەمەن قازاقستان» گازەتى ەلىمىزدىڭ تاۋەلسىزدىك كۇنىنە ارنالعان «ۇلكەن ەل – ۇلكەن وتباسى» فوتوكونكۋرسىن جاريالايدى

1. جالپى ەرەجەلەر
2. 1. رەسپۋبليكالىق فوتوكونكۋرس قازاقستان حالقى اسسامبلەياسىنىڭ «ۇلكەن ەل – ۇلكەن وتباسى» كەڭ اۋقىمدى جوباسى شەڭبەرىندە وتكىزىلەدى.

1.2. كونكۋرستى ۇيىمداستىرۋشى «ەگەمەن قازاقستان» رەسپۋبليكالىق گازەتى» اق (ودان ءارى – ۇيىمداستىرۋشى). مەكەن-جايى: 010008, استانا ق., ەگەمەن قازاقستان گازەتى ك., 5/13. 1.3. فوتوكونكۋرسقا كاسىپقوي فوتوگرافتار, اۋەسقوي فوتوگرافتار, سونداي-اق, جاسىنا, اينالىساتىن ىسىنە جانە قىزىعۋشىلىعىنا قاراماستان قازاقستان رەسپۋبليكاسىنىڭ بارلىق ازاماتتارى قاتىسا الادى. 1.4. ءار قاتىسۋشى بەس فوتوسۋرەتتەن ارتىق ۇسىنا المايدى. فوتوسۋرەتتەر قازاقستاندىق پاتريوتيزم, قازاق­ستان حالقىنىڭ مادەني كوپتۇرلىلىگى, قوعامدىق كەلى­سىم مەن ۇلتتىق بىرلىكتى نىعايتۋ, جالپىعا ورتاق ەڭبەك قوعامى يدەياسى تاقىرىبىن بەينەلەۋى ءتيىس. 1.5. فوتوكونكۋرستى وتكىزۋ مەرزىمى: 2015 جىلدىڭ 25 تامىزىنان 10 جەلتوقسانىنا دەيىن. 1.6. قورىتىندىسىن شىعارۋ – 2015 جىلدىڭ 15 جەلتوقسانى. 1.7. كونكۋرسقا قاتىسۋ ءۇشىن كولەمى ۇزىن جاعى­نان 3 000 پيكسەلدەن كەم ەمەس فوتوسۋرەتتەر قابىلدانادى. – ءار فوتوسۋرەتتىڭ ەڭ ۇلكەن كولەمى 5 Mb-دان استام; – فوتوسۋرەت فورماتى قاتاڭ JPG. 1.8. فوتوسۋرەتتەردى «فوتوكونكۋرس» تاقىرى­بىن, تەلە حاتقا اتىن, اكەسىنىڭ اتىن, تەگىن, تۋعان جىلىن, فوتونىڭ اتىن, تۇسىرىلگەن كۇنى مەن ورنىن كورسەتە وتىرىپ, egemenkz@mail.online.kz, egemenkz@mail.ru ەلەكتروندى مەكەن-جايعا جىبەرۋ قاجەت.

2. قاتىسۋشىنىڭ قۇقىقتارى مەن جاۋاپكەرشىلىگى

2.1. فوتوسۋرەتتى فوتوكونكۋرسقا ۇسىنا وتىرىپ, قاتىسۋشى ول فوتوسۋرەتتەردىڭ اۆتورى ەكەندىگىنە جانە الدەكىمدەردىڭ اۆتورلىق قۇقىن بۇرمالاماعانىنا كەپىلدىك بەرەدى, سونداي-اق, فوتوسۋرەتتەردىڭ بۇرىن فوتوكونكۋرستارعا قاتىسپاعانىنا دا كەپىلدىك بەرەدى. 2.2. فوتوكونكۋرسقا قاتىسۋشىلار وزدەرىنە اۆتورلىق جانە ارالاس قۇقىقتاردى ساقتاۋ جاۋاپكەرشىلىگىن الادى. فوتوسۋرەتتەرگە قاتىستى ءۇشىنشى جاقتىڭ قانداي دا ءبىر تالاپتارى تۋىنداي قالعان جاعدايدا سوڭعى داۋدى ءوز كۇشىمەن جانە ءوز ەسەبىنەن رەتتەۋگە مىندەتتەمە الادى. 2.3. فوتوسۋرەتتەردى ۇسىنا وتىرىپ, قاتىسۋشى فوتوكونكۋرسقا قاتىسۋعا ءوزىنىڭ كەلىسىمىن بىلدىرەدى جانە وسى ەرەجەدە كورسەتىلگەن فوتوكونكۋرستى وتكىزۋ شارتتارىمەن كەلىسەدى. 2.4. فوتوسۋرەتتەردى ۇسىنا وتىرىپ, قاتىسۋشى (اۆتور) ونىڭ جۇمىستارىن ۇيىمداستىرۋشىنىڭ «ەگەمەن قازاقستان» گازەتىندە, سونداي-اق, ۇيىمداستىرۋشىنىڭ www.egemen.kz سايتىندا شەكسىز كولەمدە جانە ءوز قالاۋى بويىنشا, كوممەرتسيالىق ەمەس نەگىزدە, اۆتورلىق سىياقى تولەمەستەن پايدالانۋعا ءوز كەلىسىمىن بەرەدى. بۇل رەتتە ۇيىمداستىرۋشى كەز كەلگەن كوپشىلىك نەگىزدە پايدالانۋدا ونىڭ فوتوسۋرەتتەرىنىڭ دانالارىندا تيەسىلى تۇردە قاتىسۋشىنىڭ (اۆتوردىڭ) اتىن كورسەتەدى. 2.5. فوتوكونكۋرسقا جىبەرىلگەن فوتوسۋرەتتەردىڭ مىنا­داي جاعدايلاردا فوتوكونكۋرسقا قاتىس­تىرىلماۋى مۇمكىن: – كونكۋرس تاقىرىبىنا سايكەس كەلمەيتىن فوتوسۋرەتتەر; – فوتوسۋرەتتەردىڭ تومەن كوركەمدىگى نەمەسە تەحنيكالىق ساپاسى; – زورلىق-زومبىلىق, ناسىلدىك, ەتنوستىق جانە ءدىني توزبەستىك ەلەمەنتتەرى بار فوتوسۋرەتتەر; – ءانونيمدى فوتوسۋرەتتەر. 2.6. فوتوكونكۋرستى ۇيىمداستىرۋشى سەبەبىن تۇسىندىرمەستەن-اق, بەلگىلەنگەن ساپاعا جانە تەحنيكالىق دەڭگەيگە سايكەسپەيتىن جۇمىستاردى قاتىسۋعا جىبەرمەۋ قۇقىن وزىندە قالدىرادى. 2.7. ۇيىمداستىرۋشى فوتوكونكۋرس جەڭىم­پازدارىنىڭ فوتوسۋرەتتەرىن «ەگەمەن قازاقستان» گازەتىنىڭ بەتتەرىندە جانە ۇيىمداس­تىرۋشىنىڭ سايتىندا جاريالاۋعا قۇقىلى.

3. فوتوكونكۋرس قورىتىندىلارىن شىعارۋ

3.1. فوتوكونكۋرس جەڭىمپازدارىن «ەگەمەن قازاقستان» رەسپۋبليكالىق گازەتى» اق مۇشەلەرىنەن تۇراتىن قازىلار القاسى انىقتايدى. كونكۋرس جۇلدەلەرى: 1-ءشى ورىن – نوۋتبۋك 2-ءشى ورىن – تەلەديدار 3-ءشى ورىن – فوتواپپارات 3.2. جەڭىمپازدار انىقتالعاننان كەيىن ۇيىمداستىرۋشى ەلەكتروندى پوشتا ارقىلى كونكۋرس جەڭىمپازدارىن قۇلاقتاندىرادى. 3.3. فوتوكونكۋرس جەڭىمپازدارى كونكۋرستا جەڭگەنى تۋرالى قۇلاقتاندىرۋ العان ساتتەن باستاپ, 30 كۇنتىزبەلىك كۇن ىشىندە تىكەلەي ءوزى جەكە باسىن كۋالاندىراتىن قۇجاتىن كورسەتە وتىرىپ نەمەسە سەنىمحات نەگىزىندە ءوز وكىلى ارقىلى جۇلدەنى الا الادى, بولماسا ۇيىمداستىرۋشىنىڭ ەلەكتروندى مەكەن-جايىنا جۇلدەنى اۋدارۋ, جىبەرۋ ءۇشىن جەكە باسىن كۋالاندىراتىن قۇجاتتىڭ كوشىرمەسىن, بانكتىك تولەم كارتىشكەسىنىڭ كارتىشكەلىك شوت ءنومىرىن جانە ناقتى پوشتا مەكەن-جايىن جىبەرە الادى. 3.4. فوتوكونكۋرس جەڭىمپازدارى وسى ەرەجەنىڭ 3.3 تارماعىن ورىنداماعان جاعدايدا جەڭىمپازدار جۇلدەلەردى الۋ قۇقىن جوعالتادى. 3.5. ەگەر جەڭىمپاز ۇيىمداستىرۋشىعا بانكتىك تولەم كارتىشكەسىنىڭ كارتىشكەلىك شوتىنىڭ دۇرىس ەمەس مالىمەتتەرىن, قاتە پوشتا مەكەن-جايىن جىبەرىپ, سونىڭ سالدارىنان جۇلدەنى اۋدارۋ, جىبەرۋ مۇمكىن بولماسا, ۇيىمداستىرۋشىنىڭ جەڭىمپازعا جۇلدەنى بەرۋ جونىندەگى ءوز مىندەتتەمەلەرى ورىندالعان بولىپ سانالادى